ବିହାର ବିଧାନସଭା ନିର୍ବାଚନରେ ଏନଡିଏ ବିପୁଳ ବିଜୟ ହାସଲ କରିବା ପରେ ରାଜ୍ୟରେ ନୂଆ ସରକାର ଗଠନ ପ୍ରକ୍ରିୟା ଆରମ୍ଭ ହୋଇଛି।ଏଥିଲାଗି ଏନଡିଏର ଅଂଶୀଦାର ଦଳମାନଙ୍କ ମଧ୍ୟରେ ପ୍ରାରମ୍ଭିକ ଆଲୋଚନା ହୋଇଛି।ଯଦିଓ ଆନୁଷ୍ଠାନିକ ଭାବେ ଏନଡିଏ ବିଧାୟକ ଦଳ ବୈଠକ ବସି ନେତା ନିର୍ବାଚନ ହୋଇନାହିଁ, କିନ୍ତୁ ନୀତିଶ କୁମାର ପୁନର୍ବାର ମୁଖ୍ୟମନ୍ତ୍ରୀ ହେବା ସୁନିଶ୍ଚିତ ହୋଇଛି। କାରଣ ତାଙ୍କ ପାଖରେ ସଂଖ୍ୟା ରହିଛି ନିର୍ବାଚନରେ ଏନଡିଏ ତାଙ୍କ ନେତୃତ୍ବରେ ଲଢ଼ିଥିଲା। ଯଦି ବିଜେପି ତାଙ୍କୁ ସମର୍ଥନ ନକରେ ତେବେ ସେ ବିରୋଧୀ ମହାମେଣ୍ଟ ଏବଂ ଏଆଇଏମଆଇଏମର ସମର୍ଥନରେ ମୁଖ୍ୟମନ୍ତ୍ରୀ ହୋଇପାରିବେ। ତେଣୁ ତାଙ୍କୁ ବିଜେପି ମୁଖ୍ୟମନ୍ତ୍ରୀ ପଦ ଲାଗି ସମର୍ଥନ କରିବାକୁ ବାଧ୍ୟ। ତେବେ ପୂର୍ବ ମୁଝାମଣା ଅନୁଯାୟୀ ମନ୍ତ୍ରିମଣ୍ଡଳରେ ବିଜେପିର ପ୍ରତିନିଧି ଅଧିକ ରହିବ। ବିଧଥାନସଭା ନିର୍ବାଚନରେ ବିଜେପି ସର୍ବାଧିକ ୮୯ ଆସନ ଜିତି ବୃହତ୍ତମ ଦଳ ଭାବେ ଉଭା ହୋଇଛି। ମନ୍ତ୍ରିମଣ୍ଡଳରେ ବିଜେପିରେ ଦୁଇଜଣ ଉପ-ମୁଖ୍ୟମନ୍ତ୍ରୀଙ୍କ ସମେତ ୧୫ରୁ ୧୬ଜଣ ମନ୍ତ୍ରୀ ରହିବେ ବୋଲି ଏକରକମ ବୁଝାମଣା ହୋଇଛି। ଏନଡିଏର ବୁଝାମଣା ଅନୁଯାୟୀ ପ୍ରତି ୬ଜଣ ବିଧାୟକରେ ଜଣେ ମନ୍ତ୍ରୀ ହେବ। ସେହିକ୍ରମରେ ଜେଡିୟୁର ୮୫ ବିଧାୟକଙ୍କ ମଧ୍ୟରୁ ୧୪ଜଣ, ଚିରାଗ ପାଶ୍ବାନଙ୍କ ଦଳ ଏଲଜେପିରୁ ୩ଜଣ, ଜିତନ ରାମ ମାନଝୀଙ୍କ ଦଳ ହିନ୍ଦୁସ୍ତାନ ଆୱାମ ମୋର୍ଚ୍ଚା ଏବଂ ଉପେନ୍ଦ୍ର କୁଶୱାହାଙ୍କ ଦଳ ରାଷ୍ଟ୍ରୀୟ ଲୋକତାନ୍ତ୍ରିକ ମୋର୍ଚ୍ଚାର ଜଣେ ଲେଖାଏଁ ମନ୍ତ୍ରୀ ହେବେ। ବିଧାନସଭା ନିର୍ବାଚନରେ ଏଲଜେପି(ରାମ ବିଳାଶ ପାଶ୍ବାନ)୧୯ଟି, ହିନ୍ଦୁସ୍ତାନ ଆୱାମ ମୋର୍ଚ୍ଚା ୫ଟି ଏବଂ ଲୋକତାନ୍ତ୍ରିକ ମୋର୍ଚ୍ଚା ୪ଟି ଆସନ ଜିତିଛି। ଆସନ୍ତା ୧୯ କିମ୍ବା ୨୦ରେ ନୂତନ ସରକାର ଶପଥ ଗ୍ରହଣ କରିବ।
ବିହାର ମନ୍ତ୍ରିମଣ୍ଡଳର ରୂପରେଖ ପ୍ରସ୍ତୁତ, ବିଜେପିକୁ ଅଧÒକ ମନ୍ତ୍ରୀ ପଦ ମିଳିବ
