୧୬ ବର୍ଷ ପରେ ଆଗୁଆ ଆସିଛି ମୌସୁମୀ

ଦକ୍ଷିଣ ପଶ୍ଚିମ  । ମୌସୁମୀ ବାୟୁ କେରଳ ଛୁଇଁଛି । ପୂର୍ବରୁ ଆଇଏମଡି ପୂର୍ବାନୁମାନ କରିଥିଲା ଯେ, ଏଥର ମୌସୁମୀ ଶୀଘ୍ର ଆସିବ । ତାହା ସତ୍ୟ ପ୍ରମାଣିତ ହୋଇଛି ।  ୧୬ ବର୍ଷ ପରେ ଦକ୍ଷିଣ ପଶ୍ଚିମ ମୌସୁମୀ ବାୟୁ ଆଗୁଆ ଆସିଛି । ଶେଷ ଥର ପାଇଁ ୨୦୦୯ ମେ’ ୨୩ରେ ମୌସୁମୀ କେରଳ ଛୁଇଁଥିଲା ।  ୧୯୯୦ରେ ଏହା ମେ’ ୧୯ରେ କେରଳ ଛୁଇଁଥିଲା ।  ସାଧାରଣତଃ ଜୁନ ୧ରେ ମୌସୁମୀ କେରଳ ଛୁଇଁଥାଏ । ଜୁଲାଇ ୮ ସୁଦ୍ଧା  ଏହା ସମଗ୍ର ଦେଶକୁ ଆଚ୍ଛାଦିତ କରିଥାଏ । ଏଥର ସପ୍ତାହେ ପୂର୍ବରୁ ମୌସୁମୀ କେରଳ ଛୁଇଁଛି । ଏହାର ପ୍ରଭାବରୁ କେରଳରେ ପ୍ରବଳ ବର୍ଷା ଆରମ୍ଭ ହୋଇଯାଇଛି । ଆଗକୁ ଏହା ଅଧିକ ଉତ୍ତର ପୂର୍ବ ଦିଗକୁ ଗତି କରିବ ।  ଆଗାମୀ ୬ ଦିନ ଭିତରେ ଏହା ଓଡ଼ିଶା ଛୁଇଁବା ଆଶା କରାଯାଉଛି । ସେପ୍ଟେମ୍ବର ୩୦ ସୁଦ୍ଧା  ଭାରତରୁ ॥ମୌସୁମୀର ପ୍ରତ୍ୟାହାର ପ୍ରକ୍ରିୟା ଆରମ୍ଭ ହୋଇଥାଏ ।

 ଆଇଏମଡିର ଆକଳନ ଅନୁଯାୟୀ ଏଥର ଭାରତରେ  ।ମୌସୁମୀ ସ୍ବାଭାବିକ ରହିବ । ସ୍ଥଳ ବିଶେଷରେ ବର୍ଷା ପରିମାଣ ୪ରୁ ୬ ପ୍ରତିଶତ ଅଧିକ ରହିବ । କୃଷି ଆଧାରିତ ଭାରତୀୟ ଅର୍ଥନୀତି ପାଇଁ ଏହା ଏକ ଭଲ ଖବର । ଉତ୍ତମ । ମୌସୁମୀ ଦେଶରେ ଖରିଫ ଫସଲ ଉତ୍ପାଦନ ବୃଦ୍ଧିିରେ ସହାୟକ ହୋଇପାରିବ ।

 ଭଲ ବର୍ଷା ହେଲେ ଦେଶର ବିଭିନ୍ନ ଜଳଭଣ୍ଡାର ଭରପୁର ରହିବ ଏବଂ ରବି ଫସଲ ପାଇଁ ଜଳସେଚନରେ ପ୍ରତିବନ୍ଧକ ସୃଷ୍ଟି ହେବ ନାହିଁ ।