ରାଜ୍ୟର ସମସ୍ତ ସହରାଞ୍ଚଳଗୁଡ଼ିକୁ ବିକାଶର ଶୀର୍ଷରେ ପହଞ୍ଚାଇବା ସରକାର ଲକ୍ଷ୍ୟ ରଖିଛନ୍ତି । ୨୦୩୬ ସୁଦ୍ଧା ବିକଶିତ ଓଡ଼ିଶା ଯେପରି ସମ୍ଭବ ହୋଇପାରିବ ତାକୁ ଦୃଷ୍ଟିରେ ରଖି ବୁଧବାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ରାଜ୍ୟ କ୍ୟାବିନେଟ୍ ବୈଠକରେ ସମୃଦ୍ଧ ସହର ଯୋଜନା ସହିତ ମୋଟ ୧୩ ଟି ପ୍ରସ୍ତାବକୁ ଅନୁମୋଦନ ମିଳିଛି। ରାଜ୍ୟ କ୍ୟାବିନେଟ୍ ବୈଠକ ପରେ ମୁଖ୍ୟଶାସନ ସଚିବ ମନୋଜ ଆହୁଜା ଖବରଦାତା ସମ୍ମିଳନୀରେ କହିଥିଲେ ଯେ,‘ସମୃଦ୍ଧ ସହର’ଯୋଜନାକୁ ସଫଳ କରିବାପାଇଁ ରାଜ୍ୟ କ୍ୟାବିନେଟରେ ୪,୮୭୯.୩୦ କୋଟି ଟଙ୍କା ଅନୁମୋଦନ ଦିଆଯାଇଛି।
ଏହା ମାଧ୍ୟମରେ ଯୋଜନାବଦ୍ଧ ସହରୀକରଣ ଏବଂ ରାଜ୍ୟରେ ସନ୍ତୁଳିତ ଆଞ୍ଚଳିକ ବିକାଶକୁ ପେ୍ରାତ୍ସାହନ କରାଯାଇ ପାରିବ। ବିକଶିତ ଓଡ଼ିଶା ୨୦୩୬ ଲକ୍ଷ୍ୟର ଅଂଶ ଭାବରେ, ଏହି ଯୋଜନା ସହରଗୁଡ଼ିକୁ ବିକାଶର କେନ୍ଦ୍ର ଓ ଅର୍ଥନୀତିର ମୁଖ୍ୟ ଶକ୍ତି ଭାବେ ଗଢ଼ିବାକୁ ଲକ୍ଷ୍ୟ ରଖାଯାଇଛି। ଏହି ଯୋଜନାରେ ସହର ପାର୍ଶ୍ବବର୍ତ୍ତୀ ସହରାଞ୍ଚଳର ଜମିକୁ ଏକତ୍ରିତ କରି ପୁନର୍ଗଠନ କରିବା ଏବଂ ଯୋଜନାବଦ୍ଧ ସହରୀ ବିକାଶକୁ ତ୍ୱାରାନ୍ୱିତ କରାଯିବ। ରାସ୍ତା, ଜଳ ଯୋଗାଣ, ସେ୍ୱରେଜ ବ୍ୟବସ୍ଥା ଏବଂ କଠିନ ବର୍ଜ୍ୟ ପରିଚାଳନା ଭଳି ଅତ୍ୟାବଶ୍ୟକ ସହରୀ ଭିତ୍ତିଭୂମି ସୁଦୃଢ଼ କରାଯିବ। ଏଥିପାଇଁ ୪,୧୧୪ କୋଟି ଟଙ୍କାର ବଜେଟ୍ ଆବଣ୍ଟନ ସହିତ ଜମି ଏବଂ ସମ୍ପତ୍ତି ପରିଚାଳନାକୁ ଉଲ୍ଲେଖନୀୟ ଭାବେ ଉନ୍ନତ କରିବ ଏବଂ ସ୍ଥାୟୀ ବିକାଶକୁ ପେ୍ରାତ୍ସାହନ ଦେବ। ସେହିପରି ସହରଗୁଡ଼ିକୁ ବିକାଶ କେନ୍ଦ୍ର ଭାବେ ଗଢ଼ିବା ପାଇଁ ସରକାର ଲକ୍ଷ୍ୟ ରଖିଛନ୍ତି। ସେଥିପାଇଁ ୭୬୫.୩୦ କୋଟି ଟଙ୍କାର ନିବେଶ କରାଯିବ। ଏଥିରେ ସହରୀ ଅଞ୍ଚଳଗୁଡ଼ିକୁ ଅର୍ଥନୈତିକ ପରିବର୍ତ୍ତନର କେନ୍ଦ୍ର ଭାବେ ପ୍ରତିଷ୍ଠା ହେବ। ଏହା ଏକୀକୃତ ଅର୍ଥନୈତିକ କ୍ଲଷ୍ଟର, ଶିଳ୍ପ ନଗର ଏବଂ ବୃହତ୍ ସହର କରିଡର ନିର୍ମାଣ ହେବ। ଏହି ଯୋଜନା କେବଳ ଭିତ୍ତିଭୂମି ଏବଂ ସହରୀ ପରିଚାଳନାକୁ ଉନ୍ନତ କରିବ ତାହା ନୁହେଁ, ବରଂ ରୋଜଗାର,ଘରୋଇ କ୍ଷେତ୍ର ନିବେଶ ଏବଂ ଶିଳ୍ପ ବିସ୍ତାର ପାଇଁ ନୂଆ ପଥ ସୃଷ୍ଟି କରିବ ବୋଲି ମୁଖ୍ୟ ସଚିବ କହିଛନ୍ତି। ସେହିଭଳି ଜରୁରୀକାଳୀନ ପ୍ରଶମନ ସହାୟତା ବ୍ୟବସ୍ଥା ଡାଏଲ-୧୧୨ ଯୋଜମାକୁ ଆଉ ୫ ବର୍ଷ ପାଇଁ ସମ୍ପ୍ରସାରଣ କରାଯାଇଛି । ମୁଖ୍ୟ ସଚିବ ଏହି ସମ୍ପର୍କିତ କ୍ୟାବିନେଟ ନିଷ୍ପତ୍ତି ନେଇ କହିଥିଲେ ଯେ, ଜରୁରୀକାଳୀନ ପ୍ରଶମନ ସହାୟତା ବ୍ୟବସ୍ଥା ଡାଏଲ-୧୧୨କୁ ତ୍ୱରାନ୍ୱିତ କରାଯିବାକୁ ରାଜ୍ୟ କ୍ୟାବିନେଟରେ ନିଷ୍ପତ୍ତି ହୋଇଛି। ଏହି ଯୋଜନାକୁ ୨୦୨୫-୨୬ ଆଥିକବର୍ଷରୁ ୨୦୨୯-୩୦ ବର୍ଷ ପାଇଁ ଡାଏଲ-୧୧୨ ଯୋଜନାରେ ୨୨୬୦.୮୯କୋଟି ଟଙ୍କାର ପ୍ରସ୍ତାବକୁ କ୍ୟାବିନେଟ୍ ଅନୁମୋଦନ ଦେଇଛି। ଏହା ଜରିଆରେ ଜାତୀୟ ଜରୁରୀକାଳୀନ ପ୍ଲାଟଫର୍ମ ପୋଲିସ, ଆମ୍ବୁଲାନ୍ସ ଓ ଅଗ୍ନିଶମ ଭଳି ସେବାଗୁଡିକୁ ଏକୀକୃତ କରି ନାଗରିକଙ୍କୁ ତ୍ୱରିତ ସହାୟତା ପ୍ରଦାନ କରିବାକୁ ସରକାର ଲକ୍ଷ୍ୟ ରଖିଛନ୍ତି। ଏହି ଯୋଜନାରେ ୪୧୯୫ଟି ନୂତନ ପଦ ସୃଷ୍ଟି କରାଯିବ। ଏହାସହିତ ୬୪୫ଟି ଜରୁରୀକାଳୀନ ଯାନ(ଇଆରଭି) କିଣାଯିବାକୁ ରହିଛି। ଯାହାଫଳରେ ଲୋକଙ୍କୁ ୨୪ ଘଣ୍ଟିଆ ସେବା ଯୋଗାଇ ଦିଆଯିବ।
By
