ଓଡ଼ିଶାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ଉପ-ମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହଦେଓ ଏବଂ ପ୍ରଭାତୀ ପରିଡ଼ା, ସହିତ ମନ୍ତ୍ରୀ ଡକ୍ଟର ମୁକେଶ ମହାଲିଙ୍ଗ ଏବଂ ଗଣେଶ ରାମ ସିଂହ ଖୁଣ୍ଟିଆ ଆଜି ବିଜେପି ଜାତୀୟ ଅଧ୍ୟକ୍ଷ ଜେ.ପି. ନଡ୍ଡା ଏବଂ କେନ୍ଦ୍ର ଗୃହମନ୍ତ୍ରୀ ଶ୍ରୀ ଅମିତ ଶାହଙ୍କ ସହ ଏକ ଉଚ୍ଚସ୍ତରୀୟ ଭର୍ଚୁଆଲ ବୈଠକରେ ଅଂଶଗ୍ରହଣ କରିଛନ୍ତି।ଏହି ବୈଠକରେ ବିଜେପିର ବରିଷ୍ଠ ନେତା ସୁନୀଲ ବଂଶଲ ଏବଂ ବିନୋଦ ତାୱଡେଙ୍କ ଦ୍ୱାରା ସମନ୍ୱୟ ହୋଇଛି । ଏହି ବୈଠକରେ ଓଡ଼ିଶାର ବିକାଶ ରୋଡମ୍ୟାପ ସମ୍ପର୍କରେ ବିସ୍ତୃତ ଆଲୋଚନା ହୋଇଥିବ ଜଣାପଡିଛି ।ଉପ-ମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହଦେଓ ନିଜ ଏକ୍ସ ପୋଷ୍ଟରେ କେନ୍ଦ୍ରୀୟ ନେତୃତ୍ୱଙ୍କ ମାର୍ଗଦର୍ଶନ ଏବଂ ଉତ୍ସାହଜନକ ଶବ୍ଦ ପାଇଁ କୃତଜ୍ଞତା ପ୍ରକାଶ କରିଛନ୍ତି। ସେ କହିଛନ୍ତି, “ସେମାନଙ୍କର ଦୂରଦୃଷ୍ଟିସମ୍ପନ୍ନ ନେତୃତ୍ୱ ଏବଂ ଉତ୍ସାହଜନକ ଶବ୍ଦ ଓଡ଼ିଶାର ପୁନରୁତ୍ଥାନ ଏବଂ ଭାରତର ବିକାଶ ପାଇଁ ଆମର ସାମୁହିକ ପ୍ରତିବଦ୍ଧତାକୁ ପୁନର୍ବାର ନିଶ୍ଚିତ କରୁଛି। ଏହି ଅର୍ଥପୂର୍ଣ୍ଣ ଆଲୋଚନା ସମନ୍ୱୟ କରିଥିବାରୁ ସୁନୀଲ ବଂଶଲ ଏବଂ ବିନୋଦ ତାୱଡେଙ୍କୁ ଆନ୍ତରିକ ଧନ୍ୟବାଦ। ଏକତା, ଉଦ୍ଦେଶ୍ୟ ଏବଂ ଦୃଢ଼ସଂକଳ୍ପ ସହିତ ଆମେ ଏକତ୍ର ଆଗକୁ ବଢ଼ୁଛୁ।”ଉପ-ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା କହିଛନ୍ତି ଯେ, ଏହା ବିଜେପି ଶାସିତ ସମସ୍ତ ରାଜ୍ୟର ମୁଖ୍ୟମନ୍ତ୍ରୀ, ଉପ-ମୁଖ୍ୟମନ୍ତ୍ରୀ, ସ୍ୱାସ୍ଥ୍ୟ ମନ୍ତ୍ରୀ, ବନ ଓ ପରିବେଶ ମନ୍ତ୍ରୀ, ନଗର ଉନ୍ନୟନ ମନ୍ତ୍ରୀ, ତଥା ଯୁବ କାର୍ଯ୍ୟ, କ୍ରୀଡ଼ା ଏବଂ ସଂସ୍କୃତି ବିଭାଗର ମନ୍ତ୍ରୀମାନଙ୍କର ଏକ ଭର୍ଚୁଆଲ ବୈଠକ ଥିଲା।
ଅମିତ ଶାହା ଓ ନଡ୍ଡାଙ୍କ ସହ ଓଡ଼ିଶାର ଶୀର୍ଷ ନେତୃତ୍ୱଙ୍କ ଗୁରୁତ୍ବପୂର୍ଣ୍ଣ ବୈଠକ
