ପୁରୀ ଜିଲ୍ଲା ବଳଙ୍ଗା ଥାନା ବାୟାବର ଗାଁରେ ନାବାଳିକାଙ୍କ ଦେହରେ ୩ ଜଣ ଦୁର୍ବୃତ୍ତ ନିଆଁ ଲଗାଇବା ଘଟଣାକୁ ମୁଖ୍ୟମନ୍ତ୍ରୀ ଚିନ୍ତାବ୍ୟକ୍ତ କରିଛନ୍ତି । ଗୁରୁତର ନାବାଳିକାଙ୍କୁ ଭୁବନେଶ୍ୱର ସ୍ଥିତ ଏମ୍ସରେ ଭର୍ତ୍ତି କରାଯାଇଛି। ତାଙ୍କ ଶରୀରର ୭୦% ପୋଡ଼ିଯାଇଛି। ତାଙ୍କୁ ଟ୍ରମା କେୟାରରୁ ବର୍ଣ୍ଣ ୟୁନିଟ୍କୁ ସ୍ଥାନାନ୍ତର କରାଯାଇଛି। ଏକ ସ୍ୱତନ୍ତ୍ର ଡାକ୍ତରୀ ଟିମ୍ ତାଙ୍କର ଚିକିତ୍ସା କରୁଛନ୍ତି। ପୋଲିସ ତଦନ୍ତ ଜାରି ରଖିଛି । ଦୋଷୀକୁ ଖୋଜିବା ପାଇଁ ଟିମ ପ୍ରସ୍ତୁତ କରାଯାଇଛି । ସେମାନେ ଅପରେସନ ମୋଡରେ ଅଛନ୍ତି । ଦୋଷୀଙ୍କୁ ଆଇନ ଅନୁସାରେ କଠୋର ଦଣ୍ଡ ମିଳିବ ବୋଲି ମୁଖ୍ୟମନ୍ତ୍ରୀ କହିଛନ୍ତି ।
ମୁଖ୍ୟମନ୍ତ୍ରୀ କହିଛନ୍ତି ଯେ, ବାଲେଶ୍ବର ଘଟଣା ପରେ ଆଜି ପୁରୀ ଜିଲ୍ଲା ବଳଙ୍ଗାରେଠାରେ ଏକ ଅଭାବନୀୟ ଘଟଣା ଘଟିଛି । ଜଣେ ନାବାଳିକାଙ୍କ ଦେହରେ କିଛି ଦୁର୍ବୃତ୍ତ ନିଆଁ ଲଗାଇଦେଇଛନ୍ତି । ପୋଲିସ ଏହି ଘଟଣାର ତଦନ୍ତ ଜାରି ରଖିଛି । ପୀଡିତାଙ୍କ ଜୀବନ ରକ୍ଷା ପାଇଁ ଉଦ୍ୟମ ଜାରି ରହିଛି । ଏମ୍ସରେ ଚିକିତ୍ସା କରାଯାଉଛି । ଆମେ ବିଭାଗୀୟ ଅଧିକାରୀଙ୍କ ସହ ସମୀକ୍ଷା ଜାରି ରଖିଛୁ । ଝିଅଟିର ସ୍ବାସ୍ଥ୍ୟବସ୍ଥା କିପରି ଅଛି, କେଉଁ ଚିକିତ୍ସା କରାଯାଉଛି ସେନେଇ ସରକାର ନଜର ରଖିଛନ୍ତି । ଯଦି ଆବଶ୍ୟକ ପଡେ, ତାହେଲେ ତାଙ୍କୁ ଦିଲ୍ଲୀ ଏମ୍ସକୁ ଏୟାରଲିପ୍ଟ କରିବା ପାଇଁ ସରକାରୀ ସ୍ତରରେ ପ୍ରସ୍ତୁତ ଅଛୁ ବୋଲି ମୁଖ୍ୟମନ୍ତ୍ରୀ କହିଛନ୍ତି ।
ମୁଖ୍ୟମନ୍ତ୍ରୀ ଆହୁରି କହିଛନ୍ତି ଯେ, ଉକ୍ତ ପୀଡିତା ୭୦ ପ୍ରତିଶତ ପୋଡି ଯାଇଥିବା ରିପୋର୍ଟରେ ଆସିଛି । କଥାବାର୍ତ୍ତା କରୁଛନ୍ତି, ସେନ୍ସ ଅଛି । ଭେଣ୍ଟିଲେଟର ବ୍ୟବହାର ହୋଇନାହିଁ । ଆବଶ୍ୟକତା ଅନୁସାରେ ଅକ୍ସିଜେନ ଦିଆଯାଇଥିବା ନେଇ ଏମ୍ସ ନିର୍ଦ୍ଦେଶକ ଜଣାଇଛନ୍ତି । ସରକାର ଏମ୍ସ କର୍ତ୍ତୃପକ୍ଷଙ୍କ ସହ ଯୋଗାଯୋଗରେ ଅଛନ୍ତି । ଏୟାରଲିଫ୍ଟ କରିବା ପାଇଁ । ଅନୁମତି ଦେବା ପରେ ଏୟାରଲିଫ୍ଟ କରାଯିବ । ସକାରାତ୍ମକ ପରିସ୍ଥିତି ହେଲେ ଦିଲ୍ଲୀ ଏମ୍ସକୁ ପଠାଯିବ । ରାଜ୍ୟ ସରକାର, ସ୍ବାସ୍ଥ୍ୟ ମନ୍ତ୍ରୀ, ସ୍ବାସ୍ଥ୍ୟ ସଚିବ, ସିଏମଓ ଏମ୍ସର ସମସ୍ତ କର୍ତ୍ତୃପକ୍ଷ ଓ ଡାକ୍ତରମାନଙ୍କ ସହ ଯୋଗାଯୋଗରେ ଅଛନ୍ତି । ଏହି ଘଟଣାରେ ଯିଏ ବି ଦୋଷୀ କାର୍ଯ୍ୟାନୁଷ୍ଠାନ ହେବ । ଯେଉଁଟି ଥିଲେ ବି ସେମାନଙ୍କୁ ଧରାଯିବ । କେଉଁ ପରିସ୍ଥିତିରେ ଏଭଳି ଘଟଣା ଘଟିଲା ସେନେଇ ପୋଲିସ ତଦନ୍ତ କରୁଛି ।
