ଭାରତ ଓ ପାକିସ୍ତାନ ମଧ୍ୟରେ ଯୁଦ୍ଧ ବିରତି ଘୋଷଣା କରାଯାଇଥିବା ବେଳେ ଜାମ୍ମୁ-କାଶ୍ମୀରରେ ଏସଆଇଏ ଚଢାଉ କରିଛି । ଆତଙ୍କବାଦ ସମ୍ପର୍କିତ ମାମଲା ସହିତ ଜଡିତ ମାମଲାଗୁଡିକରେ ରାଜ୍ୟ ତଦନ୍ତ ସଂସ୍ଥା (ଏସଆଇଏ) ଚଢାଉ କରିଛି । ସୂଚନା ଅନୁସାରେ ସୋପିଆନ,କୁଲଗ୍ରାମ,ପୁଲୱାମା ଓ ଅନନ୍ତନାଗରେ ଚଢାଉ ହୋଇଛି । ଆତଙ୍କବାଦୀମାନଙ୍କୁ ସାହାଯ୍ୟ କରିଥିବା ଲୋକଙ୍କ ବିଷୟରେ ତଦନ୍ତ କରାଯାଉଛି । ଏହା ସହିତ ଉପତ୍ୟକାରେ ରହି ଆତଙ୍କବାଦକୁ ସମର୍ଥନ କରୁଥିବା ଲୋକଙ୍କୁ ଚିହ୍ନଟ କରିବା ଲାଗି ମଧ୍ୟ ପ୍ରୟାସ କରାଯାଉଛି ।
ଭାରତ ସରକାର ଉପତ୍ୟକାରୁ ଆତଙ୍କବାଦ ଏବଂ ଆତଙ୍କବାଦୀ ସଂଗଠନଗୁଡ଼ିକୁ ନିପାତ କରିବା ଲାଗି ପ୍ରୟାସ ଚଳାଇଛନ୍ତି । ଏହି କ୍ରମରେ, ଏବେ ବିଭିନ୍ନ ସ୍ଥାନରେ ଚଢାଉ କରାଯାଉଛି । ଯାହାଫଳରେ ଭବିଷ୍ୟତରେ ଉପତ୍ୟକା ଭିତରେ ଥିବା ଆତଙ୍କବାଦୀମାନଙ୍କୁ ସ୍ଥାନୀୟ ସ୍ତରରେ କୌଣସି ପ୍ରକାରର ସାହାଯ୍ୟ ମିଳିବ ନାହିଁ ।
By
